قـــال السليـمـانـي قتـلـنـي بالمـحـبـه ذي قـتــل=ولانــي القـتـال تشـهـد لـــي ميـاديـيـن الـقـتـال
سلـط علـيـا سهـمـه القـتـال مــن فــوق الجـبـل=وانـا علـى وادي بنـا مدكـي علـى ظهـر الجبـال
واثـق بنفسـي كنـت بنظـر كــل حـاجـه عالقـبـل=بسـرح وانـا آمـن وبـاوي آخـر انصـاف الليـال
والصبـح بفطـر بـر ميسـانـي مخـصـر بالعـسـل=والظـهـر بتـغـدي مخـمـر والعـشـاء دم الـغـزال
كنت اقنـص الغـزلان فـي وديـان حميـر والقلـل=واغزي على نوب العسل بالليل لوسـاط الوخـال
وبـعــد مـــده جـانــي الـجـنـي وبـدلـنـي بــــدل=ضحـك علـى عقلـي وبدلنـي بـدل بــري سـيـال
والآن قــم يامرسـلـي وصـــل كـتـابـي بالـعـجـل=للمعمـري ذي هـو معنـى فـي حروفـي والمـقـال
قـلـه رفـعـنـا رايـــة الـوحــده وحقـقـنـا الامـــل=بسـعـد ابوحـمـزه وعـبـدالله صنـاديـد الـرجــال
ماشـي تراضينـا عـلـى تمثيلـنـا حـسـب الـعـزل=بـل اننـا نصفيـن انـا وانتـه سـواء عيننـا ودال
نصـف الوثيقـه لــم يــزل بـاقـي معـانـا بالمـقـل=والنسخـه الاصليـه محوفظـه بخزنـة بـن طــلال
وحـده عظيمـه ناضلـوا مـن اجلهـا كـمـن بـطـل=والله مـاحـد كـــان فـــي وده يـــدور النـفـصـال
لـكــن مـســار الـوحــده اتـبــدل واداء لـلـجــدل=حـسـب الدمقراطـيـه بالسـلـم اتفقـنـا عـالـجـدال
لكنكـم خضـتـوا عليـنـا حــرب موقـعـت الجـمـل=خطط لها ابن العاص من خلف الستاره والجوال
وأنـمـا تبـونـا مثلـكـم حـيـا عـلـى خـيـر العـمـل=ولا قـد الفتـوى معاكـم جـاهـزه وســط الـشـوال
وقــف معـاكـم بـعـض خبرتـنـا وصابـونـا خـلـل=واتندمـوا مــن بـعـد ماشـافـوا مشـاكـل لحـتـلال
والآن مــازال الجمـاعـه فــي شقـقـكـم والـفـلـل=تخرجـوا مـن جامعـة نصـب القضـاء والاحتيـال
مـاهـل تنمـرتـوا عليـنـا يـــوم شفـتـونـا شـلــل=ولا لـمـه ضـاعـة نمارتـكـم بصـعـده والـطــوال
والصبـر يـا احـمـد ربـمـا ينـفـذ وهــذا مُحتـمـل=ظهر الجمل مكسور من جـور الحمـولات الثقـال
قـد ربمـا يقضـي علـى الجمّـال لـو جـاع الجمـل=والهـيـج بايـأكـل سنـامـه هـكـذا طـبـع الـجـمـال
خذتوا اراضينـا زجـاء مـن شـل لـه مأتيـن شـل=مــادام وان الطـقـم والعسـكـر يميـنـه والشـمـال
والـغــاز والـبـتـرول كمـلـتـوه بـالـدلـو الــربــل=دلـويـن لـلـدولـه وستـعـشـر لـخــولان الـطـيـال
ان شــي عـدالـه باتـقـع ولامعـانـا غـيــر حـــل=ردوا لـنــا ديـنـارنـا وانـتــوا تـهـنـوا بـالـريـال
شفني بشوف البنت تستعمل حبوب منـع الحبـل=مـاودهـا تحـبـل مــن الشيـبـه ولاتنـجـب عـيـال
يمكنهـا تشتـي ولــد جـاهـل وفــي عـمـره اقــل=من عمـر الاول ذي ربطهـا بالسلاسـل والحبـال
هـذا كـلام الـحـق يـبـن المعـمـري مـابـه زعــل=من باب واسع لـك طرحنـا للجـواب اكبـر مجـال
واحزيك مـن بكـره ذكيـه تشتغـل باحسـن عمـل=تاكـل مـن التفـاح الاحـمـر والعـنـب والبرتـقـال
دستورهـا تمشـي عليـه النـاس فـي كـل الــدول=مـن خالفـه يحكـم عليـه الـمـوت والا الاعتـقـال
والختـم صلـوا ع النبـي ذي حـل مكـه وارتـحـل=علـى المدينـه والسبـب اهـل الجهالـه والضـلال
تقبلو تحياتي اخوكم السليماني
السبت يونيو 23, 2012 2:46 pm من طرف خلدون02
